قصه شابين واحد سعودي والثاني كويتي

السلاااااااااااااااام عليكم

هذه قصه شابين احدهما سعودي والاخر كويتي

يقولكم طالت اعماركم هذولا اثنين كانوا يدرسون مع بعض بأحد الدول العربيه خلصو دراستهم وبغوا يرجعون لديارهم

قال الكويتي: وش رايك تخاويني للكويت ونجلس مع بعض اسبوع بعدين تطلع عالسعوديه

اعرفك على اهلي وربعي واوريك الكويت وامشيك.

قال السعودي: مافي مشكله

جو بيستعدون للرحله جا الكويتي تلفون من اخوه يبلغه ان جدته توفت.

طبعا الكويتي من باب الصداقه كتم الموضوع عن السعودي

وصلو الشباب للكويت لبيت الرجال

شاف السعودي العزااا استغرب سأل صاحبه

قاله هاذي جارتنا توفت وماعندهاا قرايب وفتحنا عزاها ببيتنا

قام بالواجب السعودي وصار يتلقى التعازي وكأنه من أهل البيت من عشرته مع صديق عمره ودراسته

باليوم الثاني شاف السعودي بنت الجيران الكويتي واعجب فيهاا جدا جدا اجدا

راح للكويتي وقاله انا شفت البنت واعجبتني وابغى اتزوجهااا

البنت هذي يحبها الكويتي وكان يخطط انه بس يخلص دراسته يتقدم لهاا

قام الكويتي واخذ السعودي وراح وخطبهااا له وتزوجو ومشى السعودي للسعوديه

بعد كم سنه تأزمت اوضاع الكويتي الماديه وصار مديون جدا قال مالي الا اخوي اروح له يفزع لي

طبعا من خلال التواصل الي بينهم بالفتره الي راحت عنده خبر ان الله فتح على السعودي من اوسع ابوابه

راح للسعودي دق باب القصر طلع له الحارس قاله قله فلان فلتان ينتظرك عند الباب

حول المغرب الكلام ذااا رزعه السعودي حوالي نص ساعه تحت بعدين نزل الحارس وقاله عمي مو فيه والكويتي يشوف سيارته جواا

ومتأكد انه موجود مشى الكويتي مكسور الخاطر ومصدوووم من رفيق عمره

وهو ماشي قابل شخصين مسكوه هالاثنين قالوا حنا متراهنين انو اول شخص نقابله نعطيه مليون ريال وعطوه ومشواا

رجع الرجل للكويت وفتح الله عليه ويسر اموره بعد فتره ضبطت اوضاعه واموره

مره من المرات وهو جاي من دوامه للبيت لقى مره عجوز بالشارع ومعها بنتهاا

قالت: ياولدي انت ساكن هنا لحالك

قال لا انا مع اهلي

قالت:طيب انا بروح احج وابي اترك بنتي عندكم وكاني مارجعت ياوليدي تزوجهاا

قال الكويتي: ابشري ياخاله

دخلت البنت بيت الكويتي واختلطت مع اهله

بعد مرور شهر مارجعت الام وقرر يحدد موعد العرس

فعلا حدده

ويوم العرس يتمشى الكويتي بين الحضور والمعازيم

فجأه لقى السعودي موجود عصب وتكلم بصوت عالي شد كل الحضور وخلاهم ينتبهون للموضوع

قال: انت ماتستحي مابوجهك دم

والتفت للناس وقالهم هذا سالفته كيت وكيت وكيت من يوم دراستهم الا آخر خبره فيه

قام السعودي وقال ياناس انا عاشرت عالرجال وعرفته أكثر من اي احد وعرفت عزه نفسه وكرامته

يوم جاني هذاك اليوم وماطلعتله ماحبيت اشوفه وهو بذيك الحاله

والاثنين الي عطوه الفلوس ذولا اخواني ارسلتهم عليه يوم اخرته عند باب بيتي

والعجوز الي جات هي أمي والبنت الي عروس اليوم هي أختي

فهل يحق لي ان أحضر زواج اختي والا لا

أتمنى ان تنااال أعجابكم القصه

مع خالص حبي لكم